जामखेड प्रतिनिधी :- ग्रामस्थांच्या वारंवार येत असलेल्या तक्रारीवरून जिजामाता माध्यमिक विदयालय घोडेगांव ,ता . जामखेड येथे गटशिक्षणाधिकारी श्री. बाळासाहेब धनवे यांनी सकाळीअचानक भेट दिली. त्यावेळी विद्यालयातील मुख्याध्यापक , शिक्षक उशिरा आले. तर काही शिक्षकेतर कर्मचारी तीन महिन्यापासून गैरहजर असल्याचे दिसून आल्याने गटशिक्षणाधिकारी यांनी गंभीर दखल घेऊन कारवाईचा बडगा उगारला असून त्यांनी
माध्यमिक विभागाकडे चांगले च लक्ष दिल्यामुळे माध्यमिक शिक्षण विभागात चांगली खळबळ उडाली आहे .
याबाबत माहिती अशी की , घोडेगांव येथील माध्यमिक विद्यालयातील शाळा भेटीच्या वेळी या शाळेचे मुख्याध्यापक बोराटे एम्. ए .हे स्वतः उशिरा आले .शाळेतील लिपिक फाटके बी.एन . हे दि . १३ सप्टेंबर २३ पासून ते आज अखेर गैरहजर आहेत शिपाई भोंडवे आर् . एस् . हे दि. १ नोव्हेंबर २३ पासून तर रासकर बी. के. प्रयोगशाळा परिचर हे शालेय कामी गैरहजर दिसून आले .
शाळेत एकूण दोन शिक्षक व पाच शिक्षकेतर कर्मचारी आहेत. एवढ्या मोठ्या प्रमाणावर कर्मचारी गैरहजर आढल्याने त्यांच्यावर काय कारवाई होणार याकडे सर्वांचे लक्ष लागले आहे .
