महाराष्ट्र न्यूज नेटवर्क : राणी लक्ष्मीबाई आत्मरक्षा प्रशिक्षण योजनेअंतर्गत जिल्हा परिषद प्राथमिक शाळा पाडळी येथील विद्यार्थिनींनी तायक्वांदो खेळाचे प्रशिक्षण घेतले आहे.
जामखेड तालुक्यातील जिल्हा परिषद प्राथमिक शाळा पाडळी येथे राणी लक्ष्मीबाई आत्मरक्षा प्रशिक्षण सुरू आहे. गटशिक्षणाधिकारी श्री बाळासाहेब धनवे, विस्तार अधिकारी श्री सुनील जाधव, केंद्रप्रमुख श्री राम निकम मुख्याध्यापक श्रीमती तारामती मोटे यांच्या मार्गदर्शनाखाली तसेच पदवीधर शिक्षक श्री पांडुरंग मोहळकर व श्री केशव हराळे, ज्येष्ठ शिक्षिका श्रीमती वैशाली कंगे व श्रीमती छाया जाधव यांच्या मार्गदर्शनाखाली शाळेतील पाचवी ते सातवीच्या विद्यार्थिनींसाठी हे प्रशिक्षण सुरू आहे.
राणी लक्ष्मीबाई आत्मरक्षा योजनेचे जामखेड तालुका प्रमुख तथा अहमदनगर जिल्हा तायक्वांदो असोशिएशनचे सचिव संतोष बारगजे यांच्या मार्गदर्शनाखाली सह प्रशिक्षक ओम बारगजे तायक्वांदो खेळाचे प्रशिक्षण देत आहेत.
महाराष्ट्र शासनाच्या शालेय शिक्षण व क्रीडा विभागा अंतर्गत समग्र शिक्षा महाराष्ट्र प्राथमिक शिक्षण परिषद, मुंबई अंतर्गत Skill tree Consulting Private Limited या संस्थेच्या सहयोगाने व त्या त्या भागातील मार्शल आर्ट्स प्रशिक्षकांच्या व संस्थेच्या माध्यमातून महाराष्ट्र राज्यातील शाळांमध्ये मुलींसाठी 'राणी लक्ष्मीबाई आत्मरक्षा' कार्यक्रमांतर्गत स्वसंरक्षण प्रशिक्षण, जीवन कौशल्य, जीवनशैली, व्यायामाचे महत्त्व या बाबत मुलींमध्ये आवड निर्माण व्हावी याकरिता विशेष प्रशिक्षण आयोजित करण्यात आले आहे.या कार्यक्रमांतर्गत मुलींसाठी स्वसंरक्षण प्रशिक्षण देण्याचा उपक्रम संपूर्ण महाराष्ट्रामध्ये सध्या सुरू आहे.
जामखेड तालुक्यामध्ये इतर शाळेवर, ज्ञानेश्वर जमदाडे, संकेत जमदाडे, कु.तनिष्का डाडर, श्वेता रासकर हे सर्व प्रशिक्षक हा उपक्रम राबवित आहेत. या प्रशिक्षणामध्ये मुलींनी उत्स्फूर्तपणे सहभाग घेतल्याचे दिसून येत आहे.
Tags
तायक्वांदो