चोंडी शाळेत 'राणी लक्ष्मीबाई' तायक्वांदो प्रशिक्षण उत्साहात

महाराष्ट्र न्यूज नेटवर्क : राणी लक्ष्मीबाई आत्मरक्षा योजनेअंतर्गत सुरू असलेल्या जामखेड तालुक्यातील चोंडी या जिल्हा परिषद प्राथमिक शाळेतील मुली अतिशय शिस्तबद्ध तायक्वांदो या खेळाचे प्रशिक्षण घेत आहेत. वेळप्रसंगी मुलींना स्वसंरक्षण करता यावे या हेतूने शासनाच्या वतीने हे प्रशिक्षण दिले जाते.

जामखेड तालुक्यातील हळगाव या केंद्रातील चोंडी जिल्हा परिषद प्राथमिक शाळेत गटशिक्षणाधिकारी श्री. बाळासाहेब धनवे साहेब. विस्तारअधिकारी- श्री. सुनिल जाधव साहेब. केंद्रप्रमुख श्री. राजेंद्र त्र्यंबके साहेब यांच्या मार्गदर्शनाखाली तसेच मुख्याध्यापक- श्री. अनिल आव्हाड

श्री. राजेंद्र हजारे,श्री. बाबासाहेब नाकाडे, श्री. अविनाश नवसरे, श्री. किरण भागवत, श्री अंबादास तांबे, श्री अस्लम शेख, श्रीम. अनिता जवणे. या सर्व शिक्षक वृंदाच्या मार्गदर्शनाखाली मुलींना राणी लक्ष्मीबाई आत्मरक्षा प्रशिक्षण देण्यात येत आहे.

राणी लक्ष्मीबाई आत्मरक्षा योजनेचे जामखेड तालुका प्रमुख तथा अहमदनगर जिल्हा तायक्वांदो असोशिएशनचे सचिव संतोष बारगजे व अहमदनगर जिल्हा तायक्वांदो असोसिएशनचे उपाध्यक्ष किरण बांगर हे तायक्वांदो खेळाचे प्रशिक्षण देत आहेत.

महाराष्ट्र शासनाच्या शालेय शिक्षण व क्रीडा विभागा अंतर्गत समग्र शिक्षा महाराष्ट्र प्राथमिक शिक्षण परिषद, मुंबई अंतर्गत Skill tree Consulting Private Limited या संस्थेच्या सहयोगाने व त्या त्या भागातील मार्शल आर्ट्स प्रशिक्षकांच्या व संस्थेच्या माध्यमातून महाराष्ट्र राज्यातील शाळांमध्ये मुलींसाठी 'राणी लक्ष्मीबाई आत्मरक्षा' कार्यक्रमांतर्गत स्वसंरक्षण प्रशिक्षण, जीवन कौशल्य, जीवनशैली, व्यायामाचे महत्त्व या बाबत मुलींमध्ये आवड निर्माण व्हावी याकरिता विशेष प्रशिक्षण आयोजित करण्यात आले आहे.या कार्यक्रमांतर्गत मुलींसाठी स्वसंरक्षण प्रशिक्षण देण्याचा उपक्रम संपूर्ण महाराष्ट्रामध्ये सध्या सुरू आहे. 

जामखेड तालुक्यामध्ये इतर शाळेवर, ज्ञानेश्वर जमदाडे, संकेत जमदाडे, कु.तनिष्का डाडर, श्वेता रासकर ओम बारगजे हे सर्व प्रशिक्षक हा उपक्रम राबवित आहेत. या प्रशिक्षणामध्ये मुलींनी उत्स्फूर्तपणे सहभाग घेतल्याचे दिसून येत आहे.